ಹಸ್ರೋಣೆ

'ಹಸ್ರೋಣೆ', 'ಹಸ್ರೊಣೆ' = ಹಸಿರು ತರಕಾರಿ, ಕಾಯಿಪಲ್ಲೆ

"ಸಂತಿಗ್ (ಸಂತೆಗೆ) ಹೋಯಿ ಎಂತಾರು (ಏನಾದ್ರು) ಹಸ್ರೋಣೆ ತಕಂಡ್ ಬಾ"
"ಇವತ್ತ್ ಎಂತ ಅಡಿಗೆ ಮಾಡುದು? ಹಸ್ರೊಣೆ ಇತ್ತಾ?"
"ಒಂದ್ ಬೆಂಡೆಕಾಯಿ, ಎರಡ್ ಹೀರೆಕಾಯಿ ಬಿಟ್ರೆ ಬೇರೆ ಎಂತ ಹಸ್ರೋಣೆ ಇಲ್ಲ"

ನನ್ನ ಊಹೆಯ ಪ್ರಕಾರ ಇದರ ಮೂಲ -'ಹಸಿರುವಾಣಿ'.
ಬರಹ ನಿಘಂಟಿನ ಪ್ರಕಾರ 'ಹಸಿರುವಾಣಿ' = ೧. ಹಸಿರುವಾಣಿ (ನಾ) ೧ ಸಸ್ಯಗಳಿಂದ ಉತ್ಪನ್ನವಾಗುವ ಸೊಪ್ಪು, ಕಾಯಿ, ತರಕಾರಿ, ಹಣ್ಣು ಮೊ. (ವ್ಯಾಪಾರದ) ಸರಕು ೨ ಹಸುರಾದ ಎಲೆ, ಗರಿ ಮೊ.ವು

ಬೋನಸ್ ಪ್ರಶ್ನೆಗೆ ಉತ್ರ - ಸುಮಂಗಲಾ. ಹಲವಾರು ರಾಜ್ಯಮಟ್ಟದ ಕಥಾಸ್ಪರ್ಧೆಯ ವಿಜೇತರು. 'ಛಂದ' ಪ್ರಕಾಶನದ ಮೊದಲ ವರ್ಷದ ಕಥಾಸ್ಪರ್ಧೆಯ ವಿಜೇತರು ಕೂಡ.

ಇವತ್ತಿನ ಸವಾಲು -
ಈ ಶಬ್ದದ ಅರ್ಥ ಏನು - 'ಪೋಂಕು'?

ಬೋನಸ್ ಪ್ರಶ್ನೆ -
'ಹಟ್ಟಿಕುದ್ರು' ಕುಂದಾಪುರ ತಾಲೂಕಿನ ಒಂದು ಸುಂದರ ಊರು. ಈ ಊರಿನಿಂದ ಬಂದ ಪ್ರಸಿದ್ಧ ಸಾಹಿತಿ (ಕವಿ, ನಾಟಕಕಾರ, ಅಂಕಣಕಾರ) ಯಾರು?
ಸುಳಿವು - 'ಏನಾಯಿತು' ಕವನ ಸಂಕಲನ.